Jóna G. Kolbrúnardóttir sópran kom fram sem einsöngvari með SÍ á tónleikunum Ungir einleikarar í janúar 2017. Árið 2018 þreytti hún frumraun sína hjá Íslensku Óperunni í hlutverki Grétu í óperunni “Hans og Gréta” í Hörpu. Jóna var einsöngvari á tónleikunum “Íslendingasögur - Sinfónísk sagnaskemmtun” sem haldnir voru í Eldborg á fullveldishátíð Íslands 1. desember 2018 þar sem hún kom fram með SÍ og kom fram á Vínartónleikum Sinfóníunnar í janúar 2020. Hún söng sitt fyrsta hlutverk við Konunglegu Óperuna í Kaupmannahöfn í september sama ár sem Papagena í “Töfraflautunni” eftir Mozart. Jóna var meðal einsöngvara á tónleikunum “Klassíkin okkar” nýverið í Hörpu ásamt Sinfóníuhljómsveit Íslands sem voru einnig sýndir beint á RÚV. 

Hrönn Þráinsdóttir píanóleikari hefur komið fram á tónleikum víða sem einleikari, meðleikari og við flutning kammertónlistar auk þess að hafa hljóðritað fyrir útvarp og leikið inn á geisladiska.

Hrönn hefur verið virk í flutningi nýrrar tónlistar m.a. á Myrkum Músíkdögum og með kammersveitinni Ísafold ásamt því að hafa frumflutt fjölda sönglaga. Hún hefur sinnt uppeldisstarfi ungra söngvara, verið tónlistarstjóri hjá óperudeild Söngskólans í Reykjavík og starfað með mörgum helstu söngvurum landsins um árabil.

EFNISSKRÁ   -  ÁSTIN NÆRIR OG SÆRIR

Celius Dougherty - Love in the dictionary -

Jórunn Viðar / Halldór Laxness - Unglingurinn í skóginum - 

E. Grieg / Arne Garborg - Møte - úr Haugtussa 

W. A. Mozart - In uomini, in soldati - aría Despinu úr óperunni Così fan tutte 

C. W. Gluck - Qual vita e questa mai…Che fiero momento - aría Euridice úr óperunni Orfeo ed Euridice

E. Grieg / Goethe - Zur Rosenzeit  Op. 48/5 

J. Sibelius / M. Susman - Im Feld ein Mädchen singt

F. Poulenc / Jean Anouilh  - Les Chemins de l’amour -úr leikritinu Léocadia

J. Brahms / A. H. von Fallersleben - Ewige Liebe 

Karl Ó. Runólfsson / Valdimar Hólm Hallstað - Í fjarlægð 

R. Strauss / A. F. von Schack - Ständchen 

William Bolcom / Arnold Weinstein - Amor