Kúnstpása: Sigrún Hjálmtýsdóttir
og Anna Guðný Guðmundsdóttir
Where
Norðurljós
When
12. maí 2020 kl. 12:15
| About
Það er mikið gleðiefni að hefja aftur starfsemi Íslensku óperunnar eftir samkomubann og við bjóðum ykkur hjartanlega velkomin hvort heldur er í Hörpu eða að njóta tónleikanna heiman frá!
Sigrún Hjálmtýsdóttir (Diddú) sópran og Anna Guðný Guðmundsdóttir píanóleikari koma fram á óvenjulegri Kúnstpásu í Norðurljósum þriðjudaginn 12. maí kl. 12.15 í Norðurljósum í Hörpu.
Diddú og Anna Guðný hafa starfað saman um árabil og bjóða gestum Íslensku óperunnar upp á fjölbreytta og skemmtilega dagskrá með þekktum aríum og sönglögum. Diddú hlaut á dögunum heiðursverðlaunin á Íslensku tónlistarverðlaununum fyrir einstakt framlag sitt til tónlistarlífs landsmanna.
Efnisskrá Kúnstpásu:
Antonín Dvořák (1841-1904)
"Söngurinn til mánans" úr óperunni Rusalka
Giuseppe Verdi (1813-1901)
"Mercé dilette amiche" úr óperunni I vespri siciliani
Vincenzo Bellini (1801-1835)
" Eccomi in lieta vesta...Oh, quante volte.." úr óperunni I Capuleti e i Montecchi"
"Casta Diva" úr óperunni Norma
Rússneskt þjóðlag/úts. A. Alabieff
"Solovej"
Allir eru velkomnir á meðan húsrúm leyfir, en við munum halda í heiðri 2ja metra fyrirmyndarfjarlægðina í salnum og komast aðeins 100 manns í salinn að sinni. Að vanda er frítt inn á tónleikana.
Í ljósi aðstæðna þurfa gestir að tryggja sér miða fyrirfram á www.harpa.is þar sem hámark gesta í sal verður 100.
Kúnstpásu verður einnig streymt til allra landsmanna á Facebook-síðu Íslensku óperunnar, svo að allir geti notið þess að hlusta á þessar frábæru listakonur.
Excellence - Initiative - Joy -Collaboration