Íslenska óperan heldur til Búdapest með Brothers
25. júní 2019
Íslensku óperunni var boðið að opna hina virtu Armel óperuhátíð í Búdapest sem hefst þann 2. júlí n.k. Það er óperan Brothers eftir Daníel Bjarnason sem er opnunaratriði hátíðarinnar en verkið var frumsýnt á Íslandi þann 9. júní 2018 og hefur sópað að sér verðlaunum.
Hópurinn hélt af stað til Búdapest í gær og er fyrsti æfingadagurinn í dag og mikil spenna í hópnum. Sýningin er í Mupa leikhúsinu í Búdapest og er nær uppselt á viðburðinn.
Hér er hægt að lesa nánar um hátíðina og uppfærsluna.
Söngvurum í óperunni Madama Butterfly var ákaft fagnað í Hörpu á lokasýningunni síðastliðinn laugardag. Þá sérstaklega söngkonunni Hye-Youn Lee, sem fór með aðalhlutverk Cio-Cio San í sýningunni. Sýningin fékk frábærar viðtökur meðal gagrýnanda og áhorfenda sem sáu sýninguna. Íslenska óperan þakkar öllum kærlega fyrir komuna.
Það vantaði ekki upp á stemninguna og voru tónleikagestirnir hver öðrum glæsilegri.