Æfingar að hefjast á Brúðkaupinu
29. júlí 2019
Það styttist í að sviðsæfingar hefjist á haustsýningu Íslensku óperunnar - Brúðkaupi Fígarós eftir Mozart sem frumsýnd verður þann 7. september n.k. í Þjóðleikhúsinu.
Þessa vikuna eru einsöngvararnir að æfa hlutverk sín með raddþjálfa (repetiteur) sem fer yfir tónlistina með hverjum fyrir sig áður en kemur að sviðsæfingum. Þær hefjast þriðjudaginn 6. ágúst á stóra sviði Þjóðleikhússins.
Söngvurum í óperunni Madama Butterfly var ákaft fagnað í Hörpu á lokasýningunni síðastliðinn laugardag. Þá sérstaklega söngkonunni Hye-Youn Lee, sem fór með aðalhlutverk Cio-Cio San í sýningunni. Sýningin fékk frábærar viðtökur meðal gagrýnanda og áhorfenda sem sáu sýninguna. Íslenska óperan þakkar öllum kærlega fyrir komuna.
Það vantaði ekki upp á stemninguna og voru tónleikagestirnir hver öðrum glæsilegri.