Breytt hlutverkaskipan í La traviata
29. mars 2019
Bandaríski tenórsöngvarinn Jonathan Boyd mun fara með hlutverk Alfredo í La traviata dagana 30. mars, 6. apríl og 14. apríl í Eldborg.
Jonathan hefur fengið afbragðsdóma fyrir túlkun sína á ýmsum hlutverkum þar á meðal Alfredo og Romeo í Frakklandi, Werther við Skosku óperuna, Tamino á Möltu, Don Ottavio í Liége og Lensky í Metz og Reims. Hann kemur einnig reglulega fram á tónleikasviðinu og hefur sungið tenórhlutverkið í 9. Sinfóníu Beethovens með Berlínarfílharmóníunni, í Rouen og með Ensemble Modern svo að fátt eitt sé nefnt. Jonathan hefur einnig komið fram á tónleikum í Kennedy Center og er mjög eftirsóttur flytjandi nýrrar tónlistar.
Vegna forfalla mun Garðar Thór Cortes ekki koma fram í uppfærslunni.
Söngvurum í óperunni Madama Butterfly var ákaft fagnað í Hörpu á lokasýningunni síðastliðinn laugardag. Þá sérstaklega söngkonunni Hye-Youn Lee, sem fór með aðalhlutverk Cio-Cio San í sýningunni. Sýningin fékk frábærar viðtökur meðal gagrýnanda og áhorfenda sem sáu sýninguna. Íslenska óperan þakkar öllum kærlega fyrir komuna.
Það vantaði ekki upp á stemninguna og voru tónleikagestirnir hver öðrum glæsilegri.