 |
|
|
|
|
|
TOSCA Í BEINNI ÚTSENDINGU FRÁ METROPOLITAN Á RÚV Á LAUGARDAG |
 Tosca eftir Giacomo Puccini verður flutt í beinni útsetningu frá Metropolitan-óperunni í New York á Rás 1 næstkomandi laugardagskvöld kl. 19. Í aðalhlutverkum eru Patricia Racette, Alexander Antonenko og James Morris. Mikko Franck stjórnar.
|
|
MIÐASALA Á LA BOHEME HAFIN |
 Miðasala á La bohéme er hafin í miðasölu Hörpu, s. 528 50 50 og á harpa.is. Í aðalhluverkum verða Gissur Páll Gissurarson og Hulda Björk Garðarsdóttir sem fara með hlutverk Rodolfo og Mimì, en Garðar Thór Cortes og Þóra Einarsdóttir syngja einnig hlutverkin á sýningartímabilinu, auk þess sem Ágúst Ólafsson, Hrólfur Sæmundsson, Jóhann Smári Sævarsson, Bergþór Pálsson og Herdís Anna Jónasdóttir taka þátt í sýningunni. Hljómsveitarstjóri er Daníel Bjarnason og leikstjóri er Jamie Hayes.
Smelltu hér til að sjá sýningardaga!
|
|
TÖFRAFLAUTAN FÆR GLIMRANDI UMSAGNIR ERLENDIS |
 Töfraflautan í uppsetningu Íslensku óperunnar hefur fengið glimrandi umfjöllun í erlendum fjölmiðlum að undanförnu. Í janúarhefti enska óperublaðsins Opera Magazine segir gagnrýnandi blaðsins, Amanda Holloway, sem var viðstödd frumsýninguna á Töfraflautunni þann 22. október síðastliðinn sýninguna vera eina skemmtilegustu uppfærslu á Töfraflautunni sem hún hafi nokkurn tíma séð. Hún fer einnig fögrum orðum um tónlistarhúsið Hörpu og segir sýninguna hafa verið jafnglæsilega og húsið sjálft. Raddir og hljóðfæraleikur hafi glitrað í Eldborg, með tærleika og hlýju sem minni á Glyndebourne-óperuna. Þá hrósar hún leikstjórn Ágústu Skúladóttur sem hún segir vera beinskeytta og líflega, og að þátttakendur í sýningunni, sem allir séu íslenskir, hafi haft gamansemi verksins meistaralega á valdi sínu. Amanda lýkur dómnum á því að segja listrænt séð sé Íslenska óperan um þessar mundir í svo háum gæðaflokki, að hún sé vel að hinum spennandi nýja vettvangi sínum komin.
|
| Lesa meira >> |
|
GISSUR PÁLL OG HULDA BJÖRK SEM RODOLFO OG MIMI Í LA BOHEME |
  Gissur Páll Gissurarson og Hulda Björk Garðarsdóttir munu fara með hlutverk Rodolfo og Mimì í La bohème í Íslensku óperunni í vor, en Garðar Thór Cortes og Þóra Einarsdóttir syngja einnig hlutverkin á sýningartímabilinu. Frumsýning verður föstudaginn 16. mars og hefst miðasala í næstu viku.
Með önnur hlutverk fara Ágúst Ólafsson sem syngur hlutverk Marcello, Jóhann Smári Sævarsson í hlutverki Colline, Hrólfur Sæmundsson sem Schaunard, Bergþór Pálsson sem syngur hlutverk Benôit og Alcindoro, og Herdís Anna Jónasdóttir, sem lauk nýverið námi frá hinum virta Hanns-Eisler tónlistarháskóla í Berlín, sem verður í hlutverki Musettu. |
| Lesa meira >> |
|
|
|
|
|
|
|
|
