Sviðsæfingar eru hafnar á Rigoletto, en óperan verður frumsýnd þann 9. október næstkomandi. Í helstu aðalhlutverkum eru Ólafur Kjartan Sigurðarson í titilhlutverkinu, Þóra Einarsdóttir sem Gilda og Jóhann Friðgeir Valdimarsson sem Hertoginn af Mantua. Leikstjóri sýningarinnar er Stefán Baldursson, óperustjóri, en nánar má lesa um sýninguna og aðstandendur hennar hér.

Miða á Rigoletto má kaupa með því að smella hér!

Miðasalan á Rigoletto fer vel af stað, og eru nú - daginn eftir að miðasala opnaði - tvær sýningar af sex uppseldar. Miðasala fer fram í  Íslensku óperunni, s. 511-4200 og hér til hægri á síðunni,  www.opera.is.

Almennt miðaverð á Rigoletto er 5.900 kr., en einnig eru í boði ódýrari og dýrari sæti auk þess sem ýmis afsláttarkjör gilda. Sjá nánar hér.

Miðasala Íslensku óperunnar er opin alla daga kl. 14-18, en er svarað í síma frá kl. 10 virka daga. Opið er fram að sýningu á sýningarkvöldum.

Óperan sem Íslenska óperan færir upp á komandi haustmisseri er engin önnur en Rigoletto eftir Giuseppe Verdi og verður frumsýning laugardagskvöldið 9. október kl. 20. Þetta áhrifamikla og hádramatíska meistaraverk er ein af þekktustu óperum sögunnar og er reglulega færð upp í flestum óperuhúsum veraldar. Í verkinu koma saman ástir, valdabarátta og örlög í æsispennandi fléttu, sem römmuð er inn af hrífandi tónlist meistara Verdis og inniheldur meðal annars hinar þekktu aríur „La donne e mobile“, „Questa o quella“ og „Caro nome“, að ógleymdum kvartettinum „Bella figlia de...ll’amore“.

Aðalsöngvararnir í verkinu eru íslenskum óperuunnendum að góðu kunnir, en þeir eru Ólafur Kjartan Sigurðarson sem Rigoletto, en hann hefur haslað sér völl sem einn fremsti óperusöngvari Íslands á erlendri grundu undanfarin misseri, Þóra Einarsdóttir sem Gilda og Jóhann Friðgeir Valdimarsson sem Hertoginn af Mantua.