Bergþórs Pálssonar, baritónsöngvari, sér um kynningar á óperunni Ástardrykknum eftir Donizetti fyrir sýningar í Íslensku óperunni. Undanfarin ár hefur Vinafélag Íslensku óperunnar staðið fyrir kynningum á þeim óperum sem eru á fjölunum á hverju sinni fyrir sýningargesti. Kynningin fer fram kl. 19.15 öll sýningarkvöld nema á frumsýningu og er gestum á sýningunni að kostnaðarlausu.

Endurmenntun Háskóla Íslands stendur að námskeiði um La traviata í samstarfi við Vinafélag Íslensku óperunnar í byrjun febrúar. Það er enginn annar en Garðar E. Cortes,  skólastjóri Söngskólans í Reykjavík, sem kennir á námskeiðinu, en hann var óperustjóri við Íslensku óperuna um árabil og söng auk þess eitt aðalhlutverkanna í uppfærslu hússins á La traviata árið 1983.

Námskeiðið er tvö kvöld, þriðjudagana 5. febrúar og 12. febrúar kl. 20:15 - 22:00, auk þess sem hópurinn fer á sýninguna sjálfa í Íslensku óperunni miðvikudagskvöldið 20. febrúar. Þátttökugjald er 17.500 kr.

Smelltu hér til að fara á vef Endurmenntunar Háskóla Íslands.

Nýlega veitti Vinafélag Íslensku óperunnar Óperunni veglegan styrk til kaupa á ljósabúnaði að andvirði 1,5 milljóna króna. Ljóskastarar þeir, sem keyptir voru, auðvelda leiklýsingu til mikilla muna og spara bæði tíma og mannskap við óperusýningarnar.

Meðfylgjandi mynd sýnir Tómas H. Heiðar, formann Vinafélagsins, afhenda Stefáni Baldurssyni, óperustjóra, styrkinn.