Ef þú hefur fengið dreifildi (flyer) á Kaffitári eða Vegamótum gætir þú átt boðsmiða á Litlu hryllingsbúðina. Ef þú finnur númerið á þínum miða hér fyrir neðan getur þú haft samband við miðasölu Óperunnar í síma 511 4200 og gegn framvísun miðans færðu einn boðsmiða á Litlu hryllingsbúðina:

Starfsárið á Scala hófst með frumsýningu á Idomeneo eftir Mozart 7. desember sl. Sýningin er talin mikill sigur fyrir hinn bráðunga breska hljómsveitarstjóra Daniel Harding sem hljóp í skarðið þegar Riccardo Muti hætti skyndilega hjá Scala. Harding stóð fyllilega undir væntingum og er sagður hafa unnið hug og hjörtu Mílanóbúa þetta kvöld. Sýningin er líka talin mikill sigur fyrir bresku sópransöngkonuna Emmu Bell, sem söng hlutverk Elettru og vakti gríðarlega hrifningu áhorfenda. Emma Bell er gift Finni Bjarnasyni tenór og því ein af tengdadætrum Íslands.

Íslenska óperan og Íslandsbanki hafa gert með sér samstarfssamning um kostun Óperustúdíós Íslensku óperunnar á næsta ári. Það voru Bjarni Daníelsson, óperustjóri, og Bjarni Ármannsson, forstjóri Íslandsbanka, sem undirrituðu samstarfssamning þess efnis í Íslensku óperunnni mánudaginn 15. desember. Þetta er annað árið í röð sem Íslandsbanki kemur að kostun Óperustúdíósins.