Á þriðjudaginn kemur, 14. maí, verða næst síðustu hádegistónleikar Íslensku óperunnar á þessu starfsári. Á tónleikunum syngja þær Erla Björg Káradóttir og Hanna Þóra Guðbrandsdóttir sópransöngkonur aríur og dúetta eftir Bellini, Puccini ofl. Pianóleikari er Antonía Hevesi. Hádegistónleikarnir verða í Norðurljósasal Hörpu kl 12.15 og er aðgangur ókeypis.

Þessar tvær ungu sópransöngkonur hafa vakið athygli fyrir söng sinni á undanförnum misserum, bæði á vegum Íslensku óperunnar og utan hennar. Báðar hafa þær sungið á hádegistónleikum Óperunnar áður og hafa tekið þátt í sýningum Óperunnar, meðal annars La Boheme í fyrra. Erla Björg kemur reglulega fram með ÓP-hópnum, ma. söng hún titilhlutverkið í sýningunni Systir Angelica eftir Puccini, sem sýnd var í Tjarnarbíói fyrir skömmu. Hanna Þóra söng í haust aðalkvenhlutverkið í gamanóperunni La Serva Padrona eftir Pergolesi hjá Alþýðuóperunni auk þess sem hún söng hlutverk Inesar í Il Trovatore í haust hjá Íslensku óperunni.

Á næstu hádegistónleikum Íslensku óperunnar, þriðjudaginn 23. apríl, syngur sópransöngkonan Helga Rós Indriðadóttir óperuaríur eftir Verdi, Wagner og Puccini. Þetta er kjörið tækifæri fyrir höfuðborgarbúa til að hlýða á söng Helgu Rósar en nokkuð er nú um liðið síðan Helga Rós söng á tónleikum í Reykjavík. Píanóleikari er Antonía Hevesi. Hádegistónleikarnir eru í Norðurljósasal Hörpu og hefjast kl. 12:15. Allir eru velkomnir og aðgangur er ókeypis.

Helga Rós er ein af okkar fremstu sópransöngkonum á óperusviðinu. Hún starfaði um árabil við óperuhús í Þýskalandi eftir að hún lauk námi við óperudeild Tónlistarháskólans í Stuttgart. Hún var fastráðin við Ríkisóperuna í Stuttgart í 8 ár og söng fjöldan allan af stórum hlutverkum. Hún var auk þess gestasöngvari í óperuhúsunum í Bonn, Karlsruhe og Wiesbaden. Hún hefur starfað með mörgum fremstu hljómsveitarstjórum og leikstjórum Evrópu. Lesa má nánar um feril Helgu Rósar hér að neðan.

Nú á laugardagskvöldið, 23. mars, verða óperutónleikar í Kaldalóni og hefjast þeir kl. 20. Á tónleikunum syngja þau Þóra Einarsdóttir sópran og Garðar Thór Cortes tenór, aríur og dúetta úr óperunum Ástardrykknum eftir Donizetti, Töfraflautunni eftir Mozart og La Bohème eftir Puccini auk fleiri verka. Píanóleikari á tónleikunum er Steinunn Birna Ragnarsdóttir.

Tónleikarnir eru samstarfsverkefni Íslensku óperunnar og Hörpu. Miðasala á tónleikana er í miðasölu Hörpu, í síma 528 5050 og á heimasiðu Hörpunnar. 　

Píanóleikari er Antonía Hevesi. Aðgangur að tónleikunum er ókeypis.

Óp-hópurinn sýnir óperuna Systir Angelica eftir Puccini 16. mars 2013 kl. 17 og kl. 20 í Tjarnarbíói. Miðaverð er 3200 kr / 2900 kr. Óperan er sett á svið í samstarfi við Flensborgarkórinn. Leikstjóri er Randver Þorláksson og Antonía Hevesi er tónlistarstjóri og píanóleikari. Kórstjóri Flensborgarkórsins er Hrafnhildur Blomsterberg. Óperan er flutt á ítölsku en íslenskum texta er varpað á skjá.

Með aðalhlutverkin fara:
Systir Angelica: Bylgja Dís Gunnarsdóttir (kl.17) og Erla Björg Káradóttir (kl.20)
Prinsessan: Hörn Hrafnsdóttir (kl.17) og Jóhanna Héðinsdóttir (kl.20)

Sjá nánar hér .

Gissur Páll Gissurarson og Hulda Björk Garðarsdóttir hlutu í gærkvöldi Íslensku tónlistarverðlaunin 2012 í flokkunum Söngvari og Söngkona ársins í sígildri tónlist. Verðlaunin hlutu þau fyrir hlutverk sín í sýningum Íslensku óperunnar á La Boheme (Rodolfo og Mimi) og Il Trovatore (Leonora). Innilegar hamingjuóskir!

Meira um Íslensku tónlistarverðlaunin má lesa hér.

Næstu hádegistónleikar Íslensku óperunnar verða þriðjudaginn 26. febrúar kl. 12:15 í Norðurljósasal Hörpu. Þá munu Gréta Hergils, sópran og Ágúst Ólafsson, baritón, syngja atriði úr óperu Donizettis Lucia di Lammermoor. Píanóleikari í tónleikum verður Antonía Hevesi.

Gréta Hergils Valdimarsdóttir stundaði nám við Söngskólann í Reykjavík undir handleiðslu Signýjar Sæmundsdóttur og Iwonu Aspar Jagla. Hún stundaði einnig nám við söngskólann Hjartans mál þar sem kennari hennar var Björk Jónsdóttir.

Fyrstu mánaðarlegu hádegistónleikar Íslensku óperunnar á þessu ári verða nk. þriðjudag, 29. janúar kl.12:15 í Norðurljósum. Það er Gunnar Guðbjörnsson tenór, sem ríður á vaðið undir yfirskriftinni Í HIRÐ HANS HÁTIGNAR - úr hugarfylgsni konunga, riddara og annarra hirðmanna.

Gunnar hefur komið fram sem einsöngvari víða um heim. Hann var fastráðinn við óperuhúsin í Wiesbaden, Lyon, Staatsoper í Berlín og í Freiburg á árunum 1990-2010. Auk þess hefur hann komið fram við mörg önnur af helstu óperuhúsum Evrópu. Meðal þeirra má nefna Ríkisóperurnar í München og Vín, Bastilluóperuna í París, Konunglegu óperuna í Madrid og óperuhúsin í Palermo, Bologna, Toulouse, Marseille, Hamborg, Köln, Gautaborg og Lissabon.

Á tónleikunum syngur Gunnar aríur úr óperunum Idomenoe eftir Mozart, Macbeth eftir Verdi og óperum Wagners Meistarasöngvurunum í Nürnberg og Lohengrin. Píanóleikari er Antonía Hevesi. Hádegistónleikarnir verða í Norðurljósasal Hörpu og er aðgangur ókeypis.

Eins og undanfarin misseri gefst óperuunnendum kostur á að sjá nokkrar óperusýningar Metrópólitanóperunnar í New York í í beinni útsendingu í Kringlubíói í vor. Margir frægustu óperusöngvarar heims koma fram í þessum sýningum og er mikil vinna lögð í að gera útsendingarnar sem best úr garði. Á undan sýningunum og í hléum eru viðtöl við aðalsöngvarana, hljómsveitarstjóra, leikstjóra og fleiri listamenn sem varpa fræðandi og skemmtilegu ljósi á viðkomandi sýningar.

Hér má finna nánari upplýsingar um útsendingar frá Metropolitan í vor, veljið „Ópera sem „tegund.

Nú hefur fyrirtækið Sena í samstarfi við Háskólabíó einnig hafið útsendingar á óperum og ballettsýningum frá Royal Opera House í London. Eru sýningarnar ýmist í beinni útsendingu eða í eldri upptökum.

Hér má finna nánari upplýsingar um útsendingar frá Royal Opera House í vor.

Á Þorláksmessu verður hin hefðbundna „Jólaró" Íslensku óperunnar haldin í anddyri Hörpu kl. 17-18. Antonía Hevesi, píanóleikari Íslensku óperunnar, fær til liðs við sig góða gesti úr íslenska söngheiminum, þar á meðal söngvara sem tekið hafa þátt í sýningum Óperunnar á liðnum misserum. Þeirra á meðal verða: Elsa Waage, Auður Gunnarsdóttir, Sesselja Kristjánsdóttir, Hallveig Rúnarsdóttir, Arndís Halla Ásgeirsdóttir, Ingveldur Ýr Jónsdóttir, Bylgja Dís Gunnarsdóttir, Edda Austmann, Hanna Þóra Guðbrandsdóttir, Erla Björg Káradóttir og fleiri. Flutt verða lög og samsöngvar úr heimi bæði jólatónlistar og óperutónlistar.

Gert er ráð fyrir að gestir geti komið og farið meðan á söngstundinni stendur, en hún fer fram í anddyri Hörpu. Veitingastaðirnir í Hörpu, verslanirnar 12 Tónar og Epal og miðasala Hörpu verða ennfremur opin á sama tíma. Aðgangur er ókeypis.

Hinir mánaðarlegu hádegistónleikar Íslensku óperunnar í Hörpu nk. þriðjudag 18.des. kl.12:15 verða að þessu sinni helgaðir tónskáldinu og mezzósópransöngkonunni Pauline Viardot, sem þykir ein merkilegasta söng-og tónlistarkona 19.aldarinnar. Sesselja Kristjánsdóttir mezzósópran og Antonía Hevesi píanóleikari flytja annars vegar nokkur sönglög eftir Pauline og hinsvegar frægar óperuaríur, sem sérstaklega voru samdar fyrir hana.

Hádegistónleikarnir verða í Norðurljósasal Hörpu og er aðgangur ókeypis.

Vinafélag Íslensku óperunnar stendur fyrir Óperuferð til New York 20.-25. febrúar í tilefni af 200 ára fæðingarafmæli Verdis og Wagners. Farið verður á eftirfarandi sýningar í Metropolitan-óperunni:

Parsifal eftir Richard Wagner. Stjórnandi er Daniele Gatti og í aðalhlutverkum eru Jonas Kaufmann, Katarina Dalayman, Peter Mattei, Evgeny Nikitin og René Pape.
Don Carlo eftir Giuseppe Verdi. Stjórnandi er Lorin Maazel og í aðalhlutverkum eru Ramón Vargas, Barbara Frittoli, Anna Smirnova, Dmitri Hvorostovsky, Ferruccio Furlanetto og Eric Halfvarson.
Carmen eftir Georges Bizet. Stjórnandi er Michele Mariotti og í aðalhlutverkum eru Anita Rachvelishvili, Nikolai Schukoff, Ekaterina Scherbachenko og Teddy Tahu Rhodes.

Þann 6. febrúar n.k. verður bandaríski barítónsöngvarinn Thomas Hampson með tónleika í Eldborg. Efnisskrá tónleikana verður fjölbreytt, allt frá ljóðasöng til Barber söngva og óperuaría.

Thomas Hampson er einn virtasti listamaður samtímans á sínu sviði og komu hans hingað til lands hefur verið beðið með nokkurri eftirvæntingu. Þegar hafa birst fréttir um það í helstu fjölmiðlum að Hampson sé væntanlegur til landsins. Hér má lesa nýlegt viðtal við Thomas Hampson.