Tilkynnt hefur verið um tilnefningar til Íslensku tónlistarverðlaunanna 2012 og eru átta söngvarar Íslensku óperunnar tilnefndir fyrir hlutverk sín í óperunum La Boheme og Il Trovatore.

Í þessum flokki hlutu ennfremur tilnefningu þeir Ágúst Ólafsson og Kristinn Sigmundsson fyrir tónleika, sem þeir sungu á árinu.

Í flokknum SÖNGKONA ÁRSINS (Sígild- og samtímatónlist) eru eftirtaldar söngkonur Íslensku óperunnar tilnefndar:

Alina Dubik - Heilsteypt og sannfærandi túlkun á Azucenu í uppfærslu Íslensku óperunnar á Il Trovatore í haust þar sem dökk og mjúk rödd hennar passaði hlutverkinu vel.
Elsa Waage - Elsa söng hlutverk Azucenu í uppfærslu Íslensku óperunnar á Il Trovatore í haust. Sterk nærvera hennar og túlkun á sviði var eftirminnileg í alla staði.
Herdís Anna Jónasdóttir - Ungstirnið Herdís Anna Jónasdóttir sópran var atkvæðamikil í íslensku tónlistarlífi á árinu. Hún söng meðal annars hlutverk Musettu í uppfærslu Íslensku óperunnar á La Boheme í vor.
Hulda Björk Garðarsdóttir - Hulda Björk söng á árinu tvö af helstu sópranhlutverkum óperubókmenntanna, Mimi í La Boheme og Leonóru í Il Trovatore, og gerði það frábærlega.
Þóra Einarsdóttir - Þóra kom víða við í íslensku tónlistarlífi í ár. Hún söng meðal annars hlutverk Mimiar í La Boheme og frammistaða hennar í einu af einsönghlutverkum c-moll messu Mozarts var framúrskarandi.