Á fyrri hádegistónleikunum, þriðjudaginn 28. febrúar, flytur Kolbeinn Ketilsson tenór sönglög frá Noregi, Svíþjóð og Ítalíu, undir yfirskriftinni Kansónur úr suðri og norðri.

Á þeim seinni, þriðjudaginn 7. mars, flytja þau Einar Th. Guðmundsson baritón og Katharina Th. Guðmundsson sópran ástardúetta og mansöngva. Píanóleikari á báðum tónleikunum er Kurt Kopecky, tónlistarstjóri Óperunnar.

Hádegistónleikaröðin er haldin í samvinnu við Mastercard. Tónleikarnir standa yfir í um 40 mínútur og hægt er að kaupa samlokur í anddyri fyrir eða eftir tónleika, svo enginn ætti að þurfa að fara svangur úr Óperunni. MasterCard-hafar fá 20% afslátt af miðaverði á hádegistónleikana og félagsmenn í Vinafélaginu fá 25% afslátt.