Tveir íslenskir söngvarar mætast á sviði Volksoper í Vínarborg í næstu viku. Það eru þeir Einar Th. Guðmundsson baritón og Kolbeinn Ketilsson tenór sem syngja hlutverk nautabanans Escamillo og Don José í Carmen eftir Bizet. „Þar verður blóðheitur suðrænn hnífabardagi tekinn á íslenska mátann, segir Einar, sem er fastráðinn við Volksoper og hefur verið síðan árið 2003.

Með hlutverk Carmenar fer Ursula Hesse von den Steinen, Micaelu syngur Kristiane Kaiser og hljómsveitarstjóri er Henrik Nánási.