Sópransöngkonan Hallveig Rúnarsdóttir og píanóleikarinn Antonía Hevesi flytja hin undurfallega ljóðaflokk Edvards Grieg, Stúlkuna á heiðinni eða Haugtussa eins og flokkurinn nefnist á frummálinu norsku, á síðustu hádegistónleikum Íslensku óperunnar í Hörpu í vetur, þriðjudaginn 22. maí kl. 12.15. Tónleikarnir fara fram í Norðurljósum og taka um hálftíma í flutningi. Líkt og venja var til á hinum margrómuðu hádegistónleikum Íslensku óperunnar í fyrra húsnæði sínu í Gamla bíói geta tónleikagestir keypt sér hressingu fyrir og eftir tónleika og þannig nælt sér í andlega og líkamlega næringu í einu og sama hádegishléinu. Aðgangur að tónleikunum er ókeypis.

Með því að smella hér má sjá nokkrar myndir úr uppfærslu Íslensku óperunnar á La Bohème, en útlit sýningarinnar hefur vakið verðskuldaða athygli. Myndirnar tók ljósmyndarinn Gísli Egill Hrafnsson.

Uppfærsla íslensku óperunnar á La Bohème hefur fengið glimrandi umsagnir í fjölmiðlum og afar góðar viðtökur gesta ennfremur. Hægt er að lesa umsagnir gagnrýnenda á einum stað með því að smella hér!